Mehfil main kuch to sunana padta hai,
Gham chupakar muskurana padta hai,
kabhi unke hum bhi the dost,
Aaj kal unhe yaad dilana padta hai…
Tag: Yaadein
College Days ..Best Days of Your Life
Woh College ke din….
Kuch baate bhuli hui,
kuch pal beete hue,
Har galti ka ek naya bahana,
aur fir sabki nazar me aana,
Exam ki puri raat jagna,
fir bhi sawal dekhke sar khujana,
Mauka mile to class bunk marna,
fir doston k sath canteen jana
USKI ek jhalak dekhane roj college jana,
usko dekhte dekhte attendance bhul jana,
Har pal hai naya sapna,
aaj jo tute fir bhi hai apna,
Ye college ke din,
In lamho me jindagi jee bhar ke jeena,
Yaad karke in palon ko,
Fir jindagi bhar muskurana
Yaadein Shayari – Yaadon ke lekar
Khud mein hum kuchh is tarah kho jate hai,
Beeti hui yadon ko lekar ro jate hai,
Neend nahi aati raton mein par,
Unko khwab mein dekhne ke liye so jate hai.
Yaadein Shayari – Fursat ke lamho mein
Fursat Ke Lamhe Jab Milte Hain
Tere Liye Kuchh Likhta zarur Hoon
Muskaano Se Koi Rishta To Nahi
Fir Bhi Muskurate Dikhta zarur Hoon
Murjhaye Hue Ko Ek Arsa Beet Gaya
Teri Yaad Se Thoda Khilta zarur Hoon
Jin Raston Pe Kabhi Tu Tha Saath Mere
Un Raston Se Aaj Bhi Milta zarur Hoon
Kinare Baith Kar Ishq Jheel Ke Akela
Tanhaiyon Ke Pathar Fekta zarur Hoon
Waqt Ke Sheeshe Se Dhool Saaf Kar
Tera Chehra Mahtab Sa Dekhta zarur Hoon
Dil Ke Aangan Mein Sapno Ke Tukdon Par
Main Sabar Ka Jhaadu Ferta zarur Hoon
Main Logon Se Gum Apna Baant’ta Nahi
Khud Se Teri Baat Chhedta zarur Hoon…
Yaadein Shayari – Hum khwabon mein bhi
Raat ki Tanhiyon mein Apa ko Yaad karte hain
Aap ka zikar chand sitron mein karte hain,
Log hum se aksar yeh kehte hain ,
Hum khwabon mein bhi Aap ka Naam pukara karte hain.
Friendship – Tum Muskurate rehna
Dost samjhte ho to dosti nibhate rehna,
Hume bhi yaad karna, khud bhi yaad aate rehna.
Meri to khushi doston se hi hai,
Main khush hun ya nahi,tum muskurate rehna.