Category: Sad Shayari

Zindagi chahat ka silsila hai,
Koi mil jata hai koi bichad jaata hai,
Jise mangte hain hum apni duaon mein,
Woh kisi aur ko bin mange hi mil jaata hai..

Haqikat Na Pucho Kabhi Yun Mere Fasane Ki,
Aapse Juda Hote Hi Badal Gayi Nazar Is Zamane Ki,
Log Sabhi Puchte Hain Ki Tum Khush kyun Nahi Ho,
Kya Karun Meri Toh Aadat thi Sirf Aapke Sang Muskurane Ki..

Kisi ko mil jati hai rangeen baharein,
Kisi ko chaman bhi nahi milta,
Kisi ki kabar par banta hai TajMahal,
Kisi ko kafan bhi nahi milta..

Koi nahi rukta is zindagi mein kisi ke liye,
Sab yuhin chalte rahte hain,
Kaun deta hai umar bhar ka sath,
Log to janaze mein bhi kandhe badalte rahte hai..

Taqdeer Ne Jaisa Chaha waise Dhal Gaye Hain Hum,
Bahut Sambhal Ke Chale Fir Bhi Fisal Gaye Hain Hum,
Kisi ne Vishwas Toda Kisi ne Dil,
Aur Logon Ko Lagta Hai Ki badal Gaye Hain Hum..

Ek pehchan hazaron Dost bana deti hai,
Ek muskan hazaron gum bhula deti hai,
Zindagi ke safar mein sambhal kar chalna,
Ek galti hazaron sapne jala kar rakh deti hai..