Category: Romantic Shayari

Koi Kehta Hai Chamakta Chand Hai Tu
Koi Kehta Hai Husn Ki Mallika Hai Tu
Par Koi Yeh kyun Nahi Kehta,
Kisi Ke Jine Ka Sahara Hai Tu..

Honth keh nahi sakte jo fasana dil ka,
Shayad nazron se woh baat ho jaye,
Is ummeed se karte hain intezar raat ka,
Ke shayad sapne mein mulakat ho jaye..

Jaam pe jaam peene se kya fayeda,
Raat guzri to utar jayegi,
Kisi ki aankhon se peeyo khuda ki kasam,
Umr saari nashe mein guzar jayegi.

Wo Zindagi hi kya jisme Mohabbat nahi,
Wo Mohabbat hi kya jisme Yaadein nahi,
Wo Yaadein kya jisme Tum nahi,
Aur wo Tum hi kya jiske saath Hum nahi.

Teri har ada mohabbat si lagti hai,
Ek pal ki judai bhi muddat si lagti hai,
Pehle nahin ab sochne lage hain hum ki,
Zindagi ke har lamhe mein teri zaroorat si lagti hai..

Aapke deedar ko nikal aaye hain taare,
Aapki khushboo se chha gayi hain baharein,
Aapke saath dikhte hai kuch aise nazare,
Ki chhup chhup ke chand bhi bas aaphi ko nihare..