Devdas Movie Shayari

devdas-movie-shayari-aishwarya

Dil ke chhalon ko koi shayari kahe,
To dard nahi hota.
Takleef to tab hoti hai,
Jab log wah-wah karte hain

Apne hisse ki zindagi to hum kabke jee chuke,
Ab to sirf dhadkanon ka lihaj karte hain,
Kya karen is duniya walon ka,
Jo aakhari dhadkano pe bhi aitaraz karte hain.

Babuji ne kahaa gaon chhod do,
Sabne kahaa paro ko chhod do,
Paro ne kahaa sharaab chhod do,
Aaj tumne kah dia, haweli chhod do,
Ek din aayega jab wo kahenge, duniya hi chhod do!

Yun nazar se nazar ki baat ki,
Ki dil chura le gaye
Hum to samjhe the par,
Aap to dhadhkan suna gaye

Teri Meri Kahaani Shayari

teri-meri-kahaani-shayari-poster

Khuda ne jab tujhe banaya hoga
Ek surur uske dil mein aaya hoga
Socha hoga kya dunga tohfe mein tujhe
Tab jaa ke usne mujhe banaya hoga

Aap hume bhool jao hume koi gham nahin
Aap hume bhool jao hume koi gham nahin
Jis dhin humne aapko bhula diya
Samajh lijiyega is duniya main hum nahin

Uske banaye har haseen
Chehre se ishq karna hai
Aakhir marne ke baad
Kal usko muh bhi to dikhana hai

Deewane hai apke, is baat se inkaar nahin
Kaise kahein ki hamein aapse pyaar nahin
Kuch to kasoor hai apki adaon ka
Akele hum hi gunehgar nahin

Wo aag hi kya jo lag ke badhe nahi
Wo nasha hi kya jo sar pe chadhe nahi
Nahi banta tab tak koi sachcha aashiq
Jab tak ishq mein usse do chaar pade nahi

Na jaagte hue khwaab dekha karo
Na chaho usse jise paa na sako
Pyaar kahan kisi ka poora hota hai
Pyaar ka pehla akshar adhoora hota hai

Zindagi Na Milegi Dobara Shayari/Poems

zindagi-na-milegi-dobara-shayari-bollywood

Toh zinda ho tum!

Dilon mein tum apni betabiyan leke chal rahe ho.
Toh zinda ho tum!
Nazar mein khwaabon ki bijliyan leke chal rahe ho
Toh zinda ho tum!

Hawa ke jhonkon ke jaise aazad rehna seekho
Tum ek dariya ke jaise, leharon mein behna seekho
Har ek lamhe se tum milo khole apni baahein
Har ek pal ek naya samaa dekho

Jo apni aankhon mein hairaniyan leke chal rahe ho
Toh zinda ho tum!
Dilon mein tum apni betabiyan leke chal rahe ho
Toh zinda ho tum!

Dil Aakhir Tu Kyun Rota Hai

Jab jab dard ka baadal chhaya
Jab gham ka saya lehraaya
Jab aansoo palkon tak aaya
Jab yeh tanha dil ghabraaya
Hum ne dil ko yeh samjhaya
Dil aakhir tu kyun rota hai?

Duniya mein yun hi hota hai
Yeh jo gehre sannate hain
Waqt ne sabko hi baante hain
Thoda gham hai sabka qissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyun rota hai

Bas Ek Tum Ho Yahaan

Pighle neelam sa behta hua ye sama
Neeli-Neeli si khamoshiyaan
Na kahin hai zameen, na kahin Aasmaan
Sarsarati hui tehniyaan, pattiyaan
Keh raheen hai ki bas ek tum ho yahaan
Sirf main hoon
Meri saansein hain aur meri dhadkanein
Aisi gehraiyaan, aisi tanhaiyaan
Aur main sirf main
Apne hone par mujhko yaqeen aa gaya

Yeh Jaane Kaisa Raaz Hai

Ik baat honthon tak hai jo aayi nahin
Bas ankhon se hai jhaankti
Tumse kabhi, mujhse kabhi
Kuch lafz hain woh maangti
Jinko pahen ke honthon tak aa jaaye woh
Awaaz ki baahon mein baahein daalke ithlaaye woh
Lekin jo yeh ik baat hai
Ehsaas hi ehsaas hai
Khushboo si hai jaise hawa mein tairti
Khushboo jo be awaaz hai
Jiska pata tumko bhi hai
Jiski khabar mujhko bhi hai
Duniya se bhi chhupta nahin
Yeh jaane kaisa Raaz hai

Sidhu Shayari for SRK and Deepika in Comedy Nights

Sidhu-srk-deepika-comedy-nights-kapilSidhu welcomes Shahrukh Khan in his own style

Agar apni taraf dekhein
to kuchh nahin palle
Par aisi sangat ko dekhein
To iss mehfil ki balle hi balle

Sidhu Praising the King of Bollywood

Jis tarah aag ke dhero ko koi kha nahin sakta
prithvi ko uncha utha nahin sakta
Sagaro ko jaise koi Sukha nahin sakta
Parvat Himalaya Jaise koi Hila nahin sakta
Suryadev ko foonk maar bujha nahin sakta
Usi tarah, Hindustan mein rehti kayanaat tak
Shahrukh Khan ki taakat ko koi Daba nahin sakta!!

Sidhu Promoting Chennai Express

Chalo Safar mein Rut hai suhaani, Chennai Express
Begum aur Badshaah ki kahani, Chennai Express
Ishq ka kaaba, Husn ki Mathura, Prem ke 2 minar
Paigam-e-muhabbat Sabki Jubaani, Chennai Express

Sidhu’s Shayari for Deepika Padukone

Ishq walo ko husn ka jawab aaya hai
Sitaro ke sath chalke, chand-e-mehtab aaya hai
Apne dil ki dhadkano ko thaam ke rakho Guru
Aaj kapil ki mehfil me Deepika naam ka Inqlaab aaya hai