Bachpan ke Din

bachpan ki yaadein
Barish ke chham-chham bundo se,
kuch hosh mein main ab aaya hu,
Beet gaye ab din bachpan ke,
yeh saugat hai kyun main paya hun,
Wo din kitne rangile the,
jab sapne na koi sajile the,
Duniya mein kitni raunak thi,
kapde jab sbke gile the,
Ye kyun madhosh jawani aayi hai,
Berang tarange layi hai,
Guzar jati hai barsat bhe ab yun hi,
ek bar na khushiyan lai hai,To,
Bachpan ke wo din achhe the,
jab mauj mein hum sab bachhe the.

Woh Bachpan Ka Zamana Tha

bachpan-childhood-shayari-in-hindiMaa ki kahani thi,
Pariyon ka fasana tha;
Barish mein kagaz ki naav thi,
Har mausam suhana tha.
Har khel mein saathi the,
Har rishta nibhana tha;
Gum ki zuban na hoti thi,
Na zakhmon ka paimana tha.
Rone ki wajah na thi,
Na hansne ka bahana tha;
Kyon ho gaye hum itne bade,
Isse achha to woh Bachpan ka Zamana tha…