Javed Akhtar Shayari

javed ji
Main pa saka na kabhi is khalish se chhutkara,
Woh mujhse jeet bhi sakta tha jaane kyun haara,

Baras ke khul gaye aansoo nithar gayi hai fiza,
Chamak raha hai sar-e-shaam dard ka tara,

Kisi ki aankh se tapka tha ek amaanat hai,
Meri hatheli pe rakha hua ye angaara,

Jo par samete to ek shakh bhi nahi payi,
Khule the par to mera aasmaan tha saara,

Woh saanp chhod de dasna yeh main bhi kehta hun,
Magar na chhodenge log us ko ghar na phunkaara. !!

Leave a Reply

Your email address will not be published. Required fields are marked *