Poem By harivansh Rai Bachchan For WhatsApp Status

HarivanshRaiBachchanImg1
Yaha sab kuch bikta hai..
Dosto rehna jara sambhal ke..
Bechne vale hawa bhi bech dete hai, gubbaro me bhar ke..
Sach bikta hai, jhut bikta hai, bikti hai har kahani..
Teen lok me faila hai, fir bhi bikta hai botal me pani!!!
Kabhi phoolon ki tarah mat jeena
jis din khiloge bikhar jaoge..
Jeena hai to patthar ban ke jeeyo..
kisi din tarashe gaye to khuda ban jaoge!!!

Harivansh Rai Bachachan – Koshish Karne Walo

BachchanHarivanshrai
Koshish Karne walo ki kabhi haar nahi hoti
Lahro se dar kar noka par nahi hoti
Kosis karne walo ki kabhi har nahi hoti
Nanhi chiti jab dana lekar chalti hai

Chadti divaro se so bar fisalti hai
Man ka visvas rago me sahas bhar deta hai
Gir kar chadhna chadkar girna isiliye na akhrta hai
Mehnat uski khali har bar nahi hoti

Kosis karne walo ki kabhi har nahi hoti
Dubkiyan sindhu me gotakhor lagate hain
Jakar khali hath lot aate hain
Milte na sahaj moti gahre pani me

Badhta duguna utsah isi herani me
muthi uski khale har bar nahi hoti
Mehnat karne walo ki kabhi har nahi hoti
Asafalta ek chunoti hai ise swikar karo

Kya kami rah gai hai dekho or sudhar karo
jab tak na safal ho nind chain ki tyago tum
sangharso ka maidan chod mat bhago tum
kutch kiye bina hi jay jaykar nahi hoti
mehnat karne walo ke kabhi har nahi hoti.

Madhushala by Harivansh Rai Bachchan – Part 11

Meri haalaa me sabne
paayi apni-apni haalaa,
mere pyaale me sabne
paayaa apnaa-apnaa pyaalaa,
mere saaki me sabne apnaa
pyaaraa saaki dekhaa,
jiski jaisi ruchi thi usne
waisi dekhi madhushala.

yah madiraalaya ke aansu hai,
nahin-nahin maadak haalaa,
yah madiraalaya ki aankhe hai,
nahin-nahin madhu kaa pyaalaa,
kisi samay ki sukhadsmriti hai
saaki bankar naach rahi,
nahin-nahin kavi kaa hridayaangan,
yah virhaakul madhushaalaa.

kuchal hasratein kitni apni,
haay, banaa paayaa haalaa,
kitne armaano ko karke
khaak banaa paayaa pyaalaa!
pi peenewale chal denge,
haay, na koi jaanegaa,
kitne man ke mahal dahe tab
khadi hui yah madhushala.

vishwa tumhaare vishmaya jeevan
me laa paayegi haalaa
yadi thodi-si bhi yah meri
madmaati saakibaalaa,
shunya tumhaari ghadiyaa kuch bhi
yadi yah gunjit kar paayee,
janm safal samjhegi jag me
apnaa meri madhushala.

bade-bade naazo se maine
paali hai saakibaalaa,
kalit kalpanaa kaa hi isne
sadaa uthaayaa hai pyaalaa,
maan-dulaaron se hi rakhnaa
is meri sukumaari ko,
vishwa, tumhaare haathon me ab
saup rahaa hun madhushala

Madhushala by Harivansh Rai Bachchan – Part 10

Matwaalaapan haalaa se le
maine taj di hai haalaa,
paagalpan lekar pyaale se,
maine tyaag diyaa pyaalaa,
saaki se mil, saaki me mil
apnaapan mai bhool gayaa,
mil madhushala ki madhutaa me
bhool gayaa mai madhushala.

kahaan gayaa wah swargik saaki,
kahaan gayee surbhit haalaa,
kahaan gayaa swapnil madiraalaya,
kahaan gayaa swarnim pyaalaa!
pinewaalo ne madiraa kaa
mulya, haay, kab pahachaanaa?
phoot chukaa jab madhu ka pyaalaa,
toot chuki jab madhushala.

apne yug me sabko anupam
gyaat hui apni haalaa,
apne yug me sabko adbhut
gyaat hua apnaa pyaalaa,
phir bhi wridhon se jab puchaa
ek yahi uttar paayaa –
ab na rahe wah peenewale,
ab na rahi wah madhushala !

kitne marm jataa jaati hai
baar-baar aakar haalaa,
kitne bhed bataa jaataa hai
baar-baar aakar pyaalaa,
kitne arthon ko sanketon
se batlaa jaati saaki,
phir bhi peenewaalon ko hai
ek paheli madhushaalaa.

jitni dil ki gahraayi ho
utnaa gahraa hai pyaalaa,
jitni man ki maadaktaa ho
utni maadak hai haalaa,
jitni ur ki bhaavuktaa ho
utnaa sundar saaki hai
jitnaa hi jo rasik, use hai
utni rasmay madhushala.

Madhushala by Harivansh Rai Bachchan – Part 9

Kya mujhko aavashyaktaa hai
saaki se maangu haalaa,
kya mujhko aavashyaktaa hai
saaki se chaahun pyaalaa,
pikar madiraa mast hua to
pyaar kiya kyaa madiraa se!
mai to paagal ho uthtaa hun
sun leta yadi madhushala.

ek samay santushta bahut thaa
paa mai thodi-si haalaa,
bholaa-sa tha mera saaki,
chotaa-sa mera pyaalaa,
chote-se is jag ki mere
swarg balaaye letaa tha,
vistrit jag me, haay, gayi kho
meri nanhi madhushala!

mai madiraalaya ke andar hun,
mere haathon me pyaalaa,
pyaale me madiraalaya bimbit
karnewaali hai haalaa,
is udhed-bun me hi mera
saaraa jivan beet gayaa –
mai madhushala ke andar ya
mere andar madhushala.

kise nahin peene se naataa,
kise nahin bhaataa pyaalaa,
is jagati ke madiraalaya me
tarah-tarah ki hai haalaa,
apni-apni ikchaa ke
anusaar sabhi pi madmaate,
ek sabhi kaa madak saaki,
ek sabhi ki madhushala.

wah haalaa, kar shaant sake jo
mere antar ki jwaalaa,
jisme mai bimbit-pratibimbit
pratipal, wah meraa pyaalaa,
madhushala wah nahin jahan par
madiraa bechi jaati hai,
bhet jahan masti ki milti
meri to wah madhushala.

Madhushala by Harivansh Rai Bachchan- Part 8

Haathon me aane-aane me,
haay, phisal jaataa pyaalaa,
adhron par aane-aane me,
haay, dhulak jaati haalaa,
duniyaawaalo, aakar meri
kismat ki khoobi dekho,
rah-rah jaati hai bas mujhko
milte-milte madhushala.

praapya nahin hai to, ho jaati
lupt nahin phir kyon haalaa,
praapya nahin hai to, ho jaataa
lupt nahin phir kyon pyaalaa,
door na itni himmat haaru,
paas na itni paa jaayu,
vyarth mujhe daudati maru me
mrigjal bankar madhushala.

madiraalaya me kab se baitha,
pi na sakaa ab tak haalaa,
yatna sahit bhartaa hun, koi
kintu ulat detaa pyaalaa,
manav-bal ke aage nirbal
bhaagya, suna vidyaalaya me,
‘bhaagya prabal, manav nirbal’
ka paat padhaati madhushala.

us pyaale se pyaar mujhe jo
door hatheli se pyaalaa,
us haalaa se chaav mujhe jo
door adhar se hai haalaa,
pyaar nahin paa jaane me hai,
paane ke armaano me !
paa jaataa tab, haay, na itni
pyaari lagti madhushala.

mad, madiraa, madhu, haalaa sun-sun
kar hi jab hun matwaalaa,
kya gati hogi adhron ke jab
neeche aayegaa pyaalaa,
saaki, mere paas na aanaa
mai paagal ho jaaungaa,
pyaasaa hi mai mast, mubaarak
ho tumko hi madhushala.