Sidhu Shayari for Sunny Deol & Amrita Rao in Comedy nights with Kapil

Sunny deol with sidhu in comedy nights with kapil
Sher chala karte hain,
khuddar chala karte hain,
Sir ooncha karke kaum pe,
Sunny Deol jaise sardar chala karte hain.

Sarson ke kheton se lehak aayi hai,
Un daaliyon se chidiyon ki chahak aayi hai,
Arre sirf Sunny paaji nahi aaye humse milne,
Inke saath saath Punjab di mitti ki mahak aayi hai

Shayari by Palak

Tu ek din achanak mujhe apne sang payega,
Tu ek din achanak mujhe apne sang payega,
Yara o yara milna hamara, jane kya rang layega,
Bus ek pal bhi tujhse bichhad ke yeh dil na reh payega..

Motivational Shayari – Mera Gaanv ki mitti

Shayari village & city
Bada Bhola Bada Sada Bada Sachha Hai,
Tere Shahar Se To Mera Gaanv Achha Hai,

Wahan Main Mere Pita Ke Naam Se Jana Jata Hu,
Aur Yahan Makan Number Se Pahchana Jata Hu,

Wahan Fate Kapdo Mein Bhi Tan Ko Dhanpa Jata Hai,
Yahan Khule Badan Par Tatu Chhapa Jata Hai,

Yahan Kothi Hai Bangle Hain Aur Kaar Hai,
Wahan Parivar Hai Aur Sanskaar Hain,

Mat Samjho Kam Hamein Ke Hum Gaanv Se Aaye Hain,
Tere Shahar Ke Bazaar Mere Gaanv Ne Hi Sajaye Hain,

Wahan Ijjat Mein Sar, Sooraj Ki Tarah Dhalte Hain,
Chal Aaj Hum Usi Gaanv Mein Chalte Hain,

Usi Gaanv Mein Chalte Hain…

Yaadein Shayari – Fursat ke lamho mein

Yaadein Shayari - tumhara chehra
Fursat Ke Lamhe Jab Milte Hain
Tere Liye Kuchh Likhta zarur Hoon

Muskaano Se Koi Rishta To Nahi
Fir Bhi Muskurate Dikhta zarur Hoon

Murjhaye Hue Ko Ek Arsa Beet Gaya
Teri Yaad Se Thoda Khilta zarur Hoon

Jin Raston Pe Kabhi Tu Tha Saath Mere
Un Raston Se Aaj Bhi Milta zarur Hoon

Kinare Baith Kar Ishq Jheel Ke Akela
Tanhaiyon Ke Pathar Fekta zarur Hoon

Waqt Ke Sheeshe Se Dhool Saaf Kar
Tera Chehra Mahtab Sa Dekhta zarur Hoon

Dil Ke Aangan Mein Sapno Ke Tukdon Par
Main Sabar Ka Jhaadu Ferta zarur Hoon

Main Logon Se Gum Apna Baant’ta Nahi
Khud Se Teri Baat Chhedta zarur Hoon…