Zindagi ki sachai – Gulzar saab

gulzar9
Jab main chhota tha, shayad duniya bahut badi hua karti thi,
Mujhe yaad hai mere gharse school tak ka vo raasta,
Kya kya nahi tha wahan,
Chaat ke thele,
jalebi ki dukaan,
Barf ke gole, sab kuchh.

Ab wahan, mobile shop, video parlour hain,
Fir bhi sab suna hai,
Shayad ab duniya simat rahi hai.

Jab main chhota tha shayad shaamein bahut lambi hua karti thi,
Main hath mein patang ki dor liye ghanton uda karta tha,
Wo lambi cycle race, vo bachpan ke khel,
Vo har shaam thak kar choor ho jana,

Ab shaam nahi hoti, Din dhalta hai aur sidhe raat ho jati hai,
Shayad waqt simat raha hai,

Jab main chhota tha shayad dosti bahut gahri hua karti thi,
Din bhar vo hujoom banakar khelna,
Vo doston ke ghar ka khana,
Vo ladkiyon ki baatein, vo saath mein rona,

Ab bhi kai dost hain par dosti jane kahan hai,
Jab bhi traffic signal par milte hain, Hi ho jati hai,
Aur apne apne raaste chal dete hain,
Holi, Diwali, new year par bar sms aa jate hain,
Shayad ab rishte badal rahe hain,

jab main chhota tha khel bhi ajeeb hua karte the,
Chhupan chhupai, langdi tang, tippi tippi top ,
Aur ab internet , office se fursat hi nahi milti,
Shayad zindagi badal rahi hai,

Zindagi ka sabse bada sach yahi hai,
Jo aksar kabristan ke baahar board par likha hota hai,
Manjil to yahi thi bus zindagi guzar gayi meri yahan aate aate,

Zindagi ka lamha bahut chhota sa hai,
Kal ki koi bunyad nahai hai aur aane wala kal sirf sapne mein hai,

Ab bach gaye is pal mein,
Tamannaon se bhari is zindagi mein hum sirf bhaag rahe hain

Kuch raftar dheeme karo mere dost,
Aur is zinadagi ko jiyo, khub jiyo mere dost.

4 thoughts on “Zindagi ki sachai – Gulzar saab”

  1. sahab mai ek ladki se bahut pyaar karta hu par pahle o bhi mujse pyaar karti thi lekin ab pata nhi ou sab kuch karti hai lekin bolti hai pyaar nahi karti..koi majburi hai ya koi pata nahi aisa kyu kar rhi hai..

    1. Pyr mein drd hi milta h mah dear frn patience rakho 2 hi reason ho skte h ya to wo kisi r se pyr krne lgi h ya fir uski koi prsnl prblm jis karn wo ase behave kr ri ..use milo ap bat karo .. Us se kaho ki dil m jo v h use khul k mreko btao … N patience aur pyr se handle karo is situation ko mah bst wshs r wid u dear frn.

  2. Ek ladka h jisse me bohot pyar karti hu wo bhi mujse utana hi pyar karta h lekin mere maa papa usse shadi nhi hone dege kyuki wo alag jati Ka h pr wo mjse shadi karne k liye apne maa papa se baat kar chuka h wo log bhi razi h me chahti hu usse hi meri shadi ho pr mere maa papa ki marzi k bager kaise hogi

  3. Apne ma papa se kaho ki bhagwan ne to insan bnaya hai neche aakar hi to duniya walo ne jat bat di hai agar ham apna hat kate to khun lal niklega agar dusr jati ke insan ka hat kate to bhi khun lal hi niklega ,upar se kisi ke hat paro par nisan naì hota ki ye kis jati ka hai to fir aap meri shadi us ladke se kyo nahi karwa rahe ho

Leave a Reply

Your email address will not be published. Required fields are marked *